من عيون ناس مصريه تقرا حكايات مصريه…حقيقيه وأسرار خفيه
من عيون مصر تعيش الأصاله… وتعرف الأيادى اللى بتتمنى لمصر الأسيه
من إهانه وعذاب وتضحيه… ومن اللى ماعنده وطنيه
مصر سهول خضرا وسما صافيه..وناس طيبه وإنسانيه
..مليون تحيه لأم الدنيا..ومبروك لناسها الطيبه..
بثوره ثلاثين يونيه..ثوره مصريه
مصر قالت للإخوان كفايه..ولا يعملوا دوله إخوانيه
داخل مصر أم الدنيا …مصر الفراعنه حضاره قويه
وتشهد أحداث الاتحاديه…على الأفكار الإخوانيه
حاول الإخوان يعملوا شرطه منهم بيكيفهم..تحكم الناس بمزاجهم.
.علشان لما يكون إنسان وعلى كيفهم..يحاكموا الشخص من غير قوانين تقيدهم
مليون تحيه لأم الدنيا..ومبروك لناسها الطيبه..ناس مصر الفرعونيه
بثوره ثلاثين يونيه
بثوره ثلاثين يونيه …ردينا إعتبار مصر كما أراد لها خالقنا
بثوره ثلاثين يونيه …ردينا اللى ضاع مننا
سينا وقناه السويس ونهر النيل وحلايب وشلاتين
وكرامه ناس مصر الطيبين
حاولوا يلغوا القضاء والشرطه..بحجه الحكم بإسم الشريعه الإسلاميه
لكن الشريعه الإسلاميه…بريئه من الأفكار الشيطانيه
ولا لمخلوق على التانى سيطره..
قال تعالى”فذكر إنما أنت مذكر لست عليهم بمصيطر إلا من تولى وكفر فيعذبه الله العذاب الأكبر .
هانم داود
بعيونك يا بلدى بنشوف الدنيا جميله..وأنت فى القلب صورتك منوره وأصيله
ومن صورتك فى قلوبنا الجميله..بتمد نورها لصدورنا نور ينور القلوب المقهوره العليله
.فكر فى حل مشاكلنا…يا كل مسئول توليت أمرنا
وظيفتكم تسمعوا لنا….وتحاولوا لحل مشاكلنا
ولا تنسوا ربنا اللى خالقنا…يجيب لنا حقنا فى دنيتنا وفى آخرتنا
ولا تقول الغلبان يخبط دماغه فى حيطه..هو يطول ايه بلا زيطه
لالا حاسب الغلبان البسيط له ربنا..وكلنا معانا ربنا فى الحق وربنا
فكر فى حل مشاكلنا…يا كل مسئول توليت أمرنا
وظيفتكم تسمعوا لنا….وتحاولوا لحل مشاكلنا
خاف ربنا يرد عليك بقوه…ويهينك بزيطه وزنبليطه
مهما كانت خطوتك حويطه ورتبت أوراقك بدنيتك
ربنا ما بتخفى عليه حقيقتك…نادى للستر يضمنا كلنا
الخير ها يزيد لو إشتغلنا بضمير كلنا..والكبير فيه اللى أكبر منه
واللى منعت من القطه الطعام فى النار..رغم صلاتها وعبادتها لربنا
واللى روى كلب عطشان..غفر له ربنا
فكر فى حل مشاكلنا…يا كل مسئول توليت أمرنا
وظيفتكم تسمعوا لنا….وتحاولوا لحل مشاكلنا
هانم داود
التعليقات