الجمعة - الموافق 29 مارس 2024م

ولا عمري كنت بانكسر .. بقلم:- عادل عبد الرازق

مش حقدر أبدأ من جديد

لأني مالاعادش ف حياتي

غير جروح غير صديد

ودمعوع بتبكي ذكرياتي

ضيّعتني كدبة عينيك

غرّبتني خدعة إيديكي

لمّا بعتيني وانا كنت شاريكي

وراح عمري كده هدر

ولا كنت عمري بانكسر

وابدأ تاني بقلب مين

وازاي حترجعلي السنين

ده نص عمري معاكي ضاع

واللي باقي منه أنين

في قلب الريح رمتيني

وضيّعتي أغلى سنيني

وكسرتيني وجرحتيني

وأخرتها تقولي القدر

ولا كنت عمري بانكسر

أديني انكسرت وانتهت

يا ريتني ماكنت ابتديت

ولا كنت شفتك في طريقي

ولا روحت معاكي ولا جيت

مانابني غير المرار

والحيطان والأسوار

وأخرتها الانكسار

وقلبي دلوقتي بيحتضر

ولا كنت عمري بانكسر

*****************

عادل عبد الرازق

——————-

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك