الجمعة - الموافق 29 مارس 2024م

هل عشقك ذنوب ؟! بقلم :- عادل عبد الرازق

 

عشقك ذنوب ..

ونظرة عينيكي ملحدة

وانا لما صليت في محرابك

ضاعت صلاتي سدا

يمك حيطان معبدك غيوب

جايز سراب مانعني اتوب

ولاّ غروب …

مالي المكان بيني وبينك

أنا كنت باحلم أتصلبلك واكون مسيحك

وتحضنيني يا حبيبتي أنا جريحك

وننظر للسما ساعة الآدان

كنت باحلم يا حبيبتي

أكتب حروف إسمك

على كل كل الحيطان والبيبان

بس انكسرت …

لحة ما قلبك باع وخان

…فوق شفايفك كان كلامي ..

بيبلّ ريقي ساعة الحوار

من كام سنة وانا باحلمبك ..

وانتي ساقياني كل المرار

وبرضه باحبك ..

وماليش في حبك أي اختيار

لا قادر انساه ..

ولا قادر إني أتوب

وانا معرفش صدقيني

هل عشقك في قلبي صلاة ..

ولاّ ذنوب

***

 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك