الخميس - الموافق 28 مارس 2024م

ميت سؤال بقلم – عادل عبد الرازق

لو تكتبيلي يوم جواب
أنا كنت أقدر أحلمك
ملو المداين والحارات
كان قلبي يمشي يرسمك
لكن غرورك صدّني
هدّ ف كياني وهدّني
مشّاني درلي وضلّني
ويّا خيالي للجنون
جوّه المداين يا طريق
أجزان عشان فيك خطوتي
إيه يعني نصبح ذكريات
وليه يعني تصرخ دمعتي
لا قدرت اكون فارس ولا
قدرت احلّ المسألة
كل الغروب لون واتملا
في قلب قلبي والعيون
دبلت شطوط البحر الاخضر
وكل غنوة شوق ممرّر
وانا وانتي ماشيين السراب
لا قدرنا نوصل ولا حنقدر
واخدنا يا حبيبتي السؤال
متغرّبين في ميت سؤال
مين اللي خان مين اللي قال
إننا محال في يوم نكون
***

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك