الخميس - الموافق 28 مارس 2024م

مش ممكن .. بقلم :- عادل عبد الرازق

مش ممكن ..

مش قادر اتصوّر

كل ما فيكي ف لحظة اتغيّر

مش ممكن ..

مش قادر اتصوّر

اللي ما بينا ف لحظة اتكسّر

مش ممكن ..

مش قادر اتصوّر

الي ما بيني وبينك يصبح أحزان

واحنا زمان كنا الفرحه

ولا عاد يجمعنا أي مكان

إلا بدمعة حزينة وجارحه

إزاي تتبدّل مشاعرنا ف لحظة

ونفارق بعض انا وانتي ونقدر

مش ممكن ..

مش قادر اتصوّر

كل ما فيكي ف لحظة اتغيّر

خطوة وحيدة ونصبح ذكره

خطوة وحيدة ويطوينا النسيان

وكأن ما كنا ف يوم عشاق

وكأن اللي ما بينا كنت وكان

أنا أتصوّر إن الشمس ما تشرقش

أمّا فراقنا .. مش ممكن أتصوّر

مش ممكن ..

مش قادر اتصوّر

************

عادل عبد الرازق

**************

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك