الخميس - الموافق 28 مارس 2024م

ليه وليه وليه ما نحلمش .. للشاعر محمد محجوب ……

ليه وليه وليه ما نحلمش ….
ليه الظلم إستشرا وداس …


ع العدل يا ناس …..
ليه الكلمة تموت ف الحلق…
ومنها القلب بسرعة يدق …
ليه الحب يموت …..
مدبوح ف قلوب الكل …
ليه الناس فقدوا اﻹحساس…
عميان … تايهين ….
ليه الناس مش شايفه …
طريقها يا ناس ….
ليه الضلمة بتاخد شكل …
النور بالقوة وبالجبروت …
ليه الطفل يموت ….
م الخوف برصاص الغدر …
ليه الكل ف بحر الوحل …
ومش حاسين بالنار …
ليه الغدر يبقى مارد ….
يهدم كل جدار …..
ليه الكل يبيع برخيص …
وف لحظة اﻷرض ….
الحرة …. تضيع ….
ليه الناس تتنفس …
ظلم وحقد يا ناس …
ليه اﻷرض الطاهرة …
الحرة تدنس باﻷنجاس …
ليه الموت بيفوت ….
ف بيوت الناس ….
وبيعدي ف كل طريق ….
ليه اﻷرض الحرة ….
حلم وﻻدنا وأمل بكرة …
بقت … مصفرة ….
ليه بوش وشارون وبلير…
طايحين ف الكون مجانين…
ليه مختار محتار مش …
قادر يحمى وﻻده …..
وبيته من اﻷشرار ….
ليه ما نحطش إيدينا …
ف إيد … بعضينا …
نحقق حلم كبير ….
ليه ما نشفش العدل …
دا فارس جايب النصر …
ليه الكل يقول أنا مالي…
إشمعنا … يا خلق …
ليه القدس تنادي بأعلى..
صوت مدبوحة يا خلق …
يا عالم حوشوا عنى الموت
يوم م الموت يموتى …
حزنان م الخوف مهزوم …
يبقى إتحقق حلمي وحلمك..
يبقى الكل ساعتها …
يعيش ف آمان مبسوط ….
يبقى الحق طبيعي هيرجع…
يبقى الحلم إتحقق …
طب … ليه وليه وليه …
ما ….. نحلمش ……
الشاعر المصرى:
محمد محجوب

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك