الجمعة - الموافق 29 مارس 2024م

” لاتبيع نفسك للفشل ” بقلم /داليا دواد

 تفتكر الحياه خير ولا شر ولا الأتنين بنظرتي المتواضعه ،الخير والشر حوالينا في كل حته بس كل حاجه فيهم ليها طاقة ،، الخير له طاقه إيجابيه والشر له طاقه سلبيه ،، وأنت كأنسان زي المغناطيس يا تجذب لنفسك كل حاجه حلوه فيها طاقه إيجابيه وده بأفكارك الإيجابيه ،ياتجذب لنفسك كل حاجه سلبيه برده بأفكارك السلبيه تعال كده نتكلم بشوية أمثله: أتنين من نفس البلد ومن نفس المنطقه ؛واحد بيشوف كل حاجه كويسه في البلد وبيحمد ربنا علي كل نعمه عايش فيها وليه شغل بمرتب وممكن كمان يلاقي فرص شغل بكل سهوله لو دور ،،، بيروح بيته كل يوم بينام مرتاح ؛الشخص ده بيفكر في كل حاجه إيجابيه فيجذب كل حاجه إيجابيه وكل ده نتيجة شوية أفكار إيجابيه . وعلي العكس الشخص التاني كل أفكاره سلبيه شايف كل حاجه وحشه في بلده بيقعد علي القهوه يندب الحظ والبطاله وأنه مش لاقي شغل وكل يوم يحصله مصيبه من شكل وسلسله من السلبيات نتيجة أفكاره السلبيه الشخص ده جذب السلبيات من نفس نوع أفكاره . فعلا الأفكار الايجابيه والسلبيه ليها تأثير كبير علي حياتك كأنسان لذلك “لاحظ أفكارك لأنها تتحول إلي كلمات ولاحظ كلماتك لأنها تتحول إلي أفعال ولا حظ أفعالك لأنها تتحول إلي عادات والعادات تكون الشخصيه ” تخيل مجرد فكره تكون شخصيتك سواء كنت إيجابي أو سلبي . حاول تغير من أفكارك للأحسن صدقني الدنيا هتختلف جداا معاك ،، بص لنصف الكوبايه المليان وأبدأ بنفسك … خلي عندك أمل دايما في الحياه لأن الأمل وقود العمل ووقود الطاقه والنظره الإيجابيه ، فالتحديات والمشاكل إما أن تحييك أو تميتك وتمرضك. عشان كده لازم تقبل نفسك وتحبها ،، أسعد غيرك وخلي ليك هدف تعيش عشانه ، ونصحتي ليك أوعي تستني حد يديك السعاده خليك أنت مصدر السعاده وخليك سعاده ماشيه علي الأرض.

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك