الجمعة - الموافق 29 مارس 2024م

قصيدة . على باب الشارع .. شعر .عادل عبد الرازق


على باب الشارع
واقف وحدي أغني


سيًل جرحى ف حجرك
ما سمعتش غير ضحكتك العالية
زادت مساحات الشارع
ضاقت مسافاتي ف قلبي
ما سألتيش حزني ده ليه
مسألتكيش إيه غيًرك

ضل ً حصاني شوارع الحيً
مانا لو فارس كنت وصلت
بصيت ف عينيكي تاه الضيً
ولقيتني ضرير وفي لحظة وقعت
دبل الصفصاف على نواصينا
وفي حوارينا مشيت وتعبت
حتى وصلت لآخر الحارة
شهقت غربان الضلمة فخفت

بيني وبينك متر وشبر
بس الفرقة مابينا بلاد
مرً مغني عجوز قدامنا
قال ده الموت مش ده اللي ميلاد
عرفتك لكن سرابات
عشقتك لكن سحابات
غرقت ف بحري وناديتك
ولا سمعتني مراسي عينيكي

طريق واحد بيني وبينك
بس اللي مابيني وبينك غيم
لا انا شايفك ولا شايفاني
ولا قادر أعيش محروم
ماعرفش ليه ماعرفتكيش م الأول
ماعرفش ليه مافهمتكيش م الأول
وفي وسط أحزاني سألتك ..
ماعرفش ليه كونتي بتضحكي ؟!
***

 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك