الجمعة - الموافق 29 مارس 2024م

طال غيابك ياعمرى .. بقلم :- مصطفى سبتة

طال غيابك ياحبيبتي وانا
والأمل واقفين علي بابك
وحشتيني وواحشني. همسك
وشوقك وكلامك وعتابك
خلاص دوبت من الحنين
إليك.وعمر قلبي ماسابك
فاكرك ياناسيني.كل يوم اصبح
علي صورتك واقرا كتابك
طال غيابك ياعمرى وحياتي
هنت عليك وهانت عليك
دمعتي وسيبتني للمجهول
مكنتش اعرف ولاكنت اتخيل
بفراقك يا قلبي عذابي يطول
وردي كان بيك مفتح.. معطر
ودلوقتي خلاص للذبول
عليك بكيت انكويت حسيت
بالعذاب. والدمع سيول
طال غيابك ياعمرى وحياتي
كنت عايش فيك وليك وبيك
الدنيا كانت ليه. بتلالي
كنت بحسك من غير ماتتكلم.
وكنت انت بتعشق وصالي
كل ذره في جسمي عايش
فيها وكنت روحي وخيالي
كنت بتديني قلبك وشوقك
وحبك وحلو الغرام والليالي
طال غيابك ياحبيبتي انتي
كل مكان كان فيه ذكري
بزوره. وعليك.ديما يسألني
يجاوب قلب. بيبكي. ويقول
الحبيب. بغيابك قتلني
ولولا الملامه لجيبك غصب
عنك.لكن عزة نفسي بتمنعني
الله يسامحك.ياللي مانسيت
ملامحك وجرحك بيوجعني
بسي افتكر اني حبيتك.
واشتريتك.وقلبك نسي وخدعني
كان لك معايا اجمل حكايه
لكن زماني معاك. باعني

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك