الوداع .. والضياع .. والذكريات
وانتي وانا والحكاية
جوّانا بتموت الحاجات
وننتهي نفس النهاية
كل واحد من طريق
والدمع ف عينينا غريق
وبتصرخي واصرخ أنا
لكن بنرجع للسكات
جوّانا بتموت الحاجات
…
لو كان يا آه عشقتي صوتي
يبقى الغناوي مررّت
ولا حاقدر أتحمّل سكوتي
والغنوة الوحيدة اتكسرت
صعب نسيانك وأصعب
إني أرجع تاني أعشق
واحدة غيرك أو أصدّق
إن الخداع كان ومات
جوانا بتموت الحاجات
…
إحنا انتهينا قبل البداية
لمّا عودّنا مشاعرنا الخداع
فما تسأليش ليه النهاية
وما تسأليش مين اللي باع
كدب كنا وكنا غرور
ضلمة كنا ووراها سور
والغش كان داير ما يدور
في الدقايق والثواني والساعات
جوّانا بتموت الحاجات
وبتصرخي واصرخ أنا
لكن بنرجع للسكات
***
التعليقات