الثلاثاء - الموافق 19 مارس 2024م

بالصور سالى عوض شبيهة هيفاء تفتح قلبها للفراعنة ..اجرى الحوار اشرف سركيس

لاول مرة وفى سبق صحفى مع قرينه هيفاء ملكة الموضه وعارضة الازياء النجمة السورية سالى عوض واللى فتحت قلبها لترد على الكثير من التساؤلات الخاصه بها وبحياتها
اهلا وسهلا بيكى وشرفتينا
س- ممكن تعرفينا بنفسك وبعملك ؟
انا سالي نوار عمري 45 عام خريجه اداب فرنساوى جامعه تشرين السورية وبعمل بالتسويق العقارى بدبي منذ 5 اعوام
س- يا ترى الشبه اللى بينك وبين النجمه هيفاء وهبى ده زى ما بيقولوا يخلق من الشبه اربعين ولا نتيجه عمليات تجميل انتى عملتيها عشان تكونى شبه هيفاء؟
طبعا وانا صغيره كان ده شىء بيسعدنى انى اكون شبه فنانه مشهوره بس مع الوقت اكتشفت انه شىء غير محبب انك تكون نسخه من حد ووجه الشبه بينى وبين النجمه هيفاء طبيعى من عند الله بامراه جميله بدون تجميل او اي عمليات
س- يا ترى الشبه اللى بينك وبين هيفاء دى نقطه ايجابيه بتفيد فى حياتك العمليه ولا اتحبست فى برواز مش قادره تخرجى منه وتعيشى حياتك الطبيعية ؟
ساعدنى فى انى اتعرف بالسوشيال ميديا واصبح ليا معجبين ومتابعين لكن مع مرور الوقت اثر ذلك حريتى وممارستى لحياتى واصبح كل شىء محسوب عليا
س- هل فى تواصل بينك وبين النجمه هيفاء وهل هيفاء تعرفك وتعرف وجه الشبه الكبير بينكم؟
لا للاسف مفيش اي تواصل شخصي بيننا وكنت اتمنى واحب يكون فى تعارف لكن ما حصل نصيب من قبل
س- ليه اختارتى دبى للاقامة وايه اخبار سوق العقارات وهل الازمة العالمية اثرت فى قرارات المستثمرين وحركة البيع والشراء ؟
دبي اكبر مدينة سياحية عالمية وهى مميزة فى كل شىء وبالنسبالى هى بلد الكرم اللى غمرتنى بحبها وخيرها وحققت ذاتى فيها خاصة بعد وفاة زوجى الله يرحمه والحمدلله اصبح ليا مكانة وأسم وتواجد بجدارة وطبعا دبى اتاثرت بالحرب وبالاحوال الاقتصادية واصبح هناك حالة من الركود فى الشراء واتمنى الاحوال تتغير فى العام الجديد انشالله
س- مين هما عملائك وازاى بتتواصلى معاهم ؟
عملائى من كل انحاء العالم واهم حاجه بينى وبين العملاء هى الثقة والمصداقية و بيجولى هم واصدقائهم وبيسالوا عليا بالاسم لانهم جربوا التعامل معايا
س- ايه اخبار سوريا وهل بتزوريها وبتشوفى اسرتك واهلك؟
طبعا بزور سوريا لانها هي العشق الساكن بالقلب وفيها كل الاحباب فاته وبزورها عشان والدتى واخواتى ما زالوا مقيمين فيها
س- من وجهه نظرك كسوريه شايفه ايه الحل الامثل لرجوع سوريا الام ولم شمل اهلها من شتى بقاع العالم ؟
مش بحب اتكلم او احكى عن السياسه لان ليها فروع كتيره ووجهات نظر متعددة بس باتمنى من قلبى ان سوريا ترجع احسن من الاول ونرجع نعيش فيها من تانى
س- احكيلنا ازاى دراستك للادب الفرنسى اثرت فى ثقافتك واختياراتك وتوجهاتك ؟
اكيد اثرت فيا لانه دراستك هي جزء كبير من كيانك الطفولي منذ الصغر وهي ضافت الي جزء كبير من روعه وجمال الثقافه والحضارة الفرنسيه
س- ايه اهم خطوط الموضه فى الازياء عن صيف 2023 واهم الالوان اللى هنشوفها الصيف الجاى وازاى بتقدرى توفقى ما بين وقت شغلك وطبيعته وبين ظهورك المتالق فى اروع خطوط الموضه والاكسسوارات ؟
ا نا مغرمة بحب الموضه وبحب بشكل عام ان الامراه تهتم بحالها وجمالها واناقتها وانا دائما بطلع علي الموضه من خلال سفري او حتي علي الميديا وانا انصح النساء بالابتعاد عن الصبغات لانه مافي اجمل من الشعر الأسود الطبيعى وموضه السنه دى هى موضه الثمانينات و الوان الصيف وهي البستال و الجونتيغ و النوار بشدا وهو الالوان الدافئة و قوية الازدهار
س- ايه اهم حاجه بتحاولى تزرعيها فى بنتك وبتحلمى تشوفيها ايه لما تكبر انشالله ؟
بنتى هى حياتى وعمرى وانا عايشه عشانها وانا ليها الاب والام حاليا وانا بعلمها تكون قويه ما تخاف من شىء وبتمنى اشوفها مهندسه لانها عنده حس وذوق راقى ودائما هى منظمة جدا وبتحب تعمل كل حاجه بنظام
س- ايه مواصفات الرجل اللى ممكن تتجوزيه وترتبطى بيه وايه اهم حاجه بتخدى بالك منها فى الراجل ؟
لازم يكون فى حب وثقة ولازم يكون كريم فى مشاعره ويمنحنى اهم حب وهو حب الامان
اتشرفنا بيكى وان شاء الله نشوفك فى مصر قريب وكل سنه وانتى طيبه بمناسبه العام الجديد

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك