الخميس - الموافق 28 مارس 2024م

((انتي اللي كنتي))) بقلم د.أسماء مهنا

إنتي اللي كنتي تمللي بتقولي عليه
انه الحياة من غيره أبدا ماتساويش
وانه حُبّك …
وانه عمرك …..
وانه دايما كان يقولك
أنه من غيرك مايقدرشي يعيش
مرّت الأيام ..ومرّت .
واكتشفتي…
إنه كان أوهام وطيش
ماحبكيش…
ولا عمره حبك …
كام مرة كان يختار مابين حبك
وبين كل الحاجات
لكنه مااختاركيش
فعلي قساوته ماتلوميش
ده لأنه كان واضح لكنك
اختارتي انك ماتشوفيش
اديتيله فرصة واحدة
اتنين …تلاتة ..حتي عشرة
بس كان الطبع غالب
وبرضه كنتي تمللي صابرة
بس عادي انه ينسي
……انه يمشي
فجأة تِصحِي ومتلاقيش

وانتي اللي كنتي تمللي بتقولي عليه
انه الحياة من غيره أبدا ماتساويش
مرت الأيام …ومرت …واكتشفتي
أنه كان أوهام وطيش

فاكرة آخر مرة كان ؟
لما ودعتيه زمان …
كنتي عادي
وهو عادي
كنتي غيرِك
حتي دمعاتك مانزلوش لما قال
انه رافض تاني يرجع
قلتي وانتي كمان اكيد
رايحة برضه ماترجعيش
ماهو عادي أصله ماحبكيش
فطبيعي انك ماتلوميش

وانتي اللي كنتي تمللي بتقولي عليه
انه الحياة من غيره أبدا ماتساويش
وانه حبك
وانه عمرك
وانه دايما كان يقولك
انه من غيرك مايقدرشي يعيش
مرت الأيام ومرت واكتشفتي
انه كان أوهام وطيش

كنتي آخر مرة حلوة
أحلي من كل الحاجات
أيوة شافك حلوة جدا
بس ياللا أوانه فات
شاف عنادك …
واجتهادك
في الرحيل ..
حس انه مافيش بديل
بس هو برضه عادي
وكنتي عادي
كنتي غيرك
حتي دمعاتك مانزلوش لما قال
انه رافض تاني يرجع
قلتي وانتي كمان أكيد
رايحة برضه ماترجعيش

كنتي ماشية رغم كسرك
رافعة راسك …فاردة ضهرك
حتي قلبك ردّ روحه
نسمة كانت طايرة عندك
وابتسمتي …
وابتسامتك …تاني هلة
زي شمس جميلة طلة
نورها طالع برة شيش
زي شمس جميلة طلة
نورها طالع برة شيش

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك