الجمعة - الموافق 29 مارس 2024م

القلب الخوّان .. شعر / عادل عبد الرازق



وشك مقطوع …
نص ليّا ونص ليكي
مجدول التقاطيع
بيكّب ملامح
وبدون تفاصيل
ومواسم غربة ف غناويكي ..
بتدمّع لسماعها عينيّا
إفردي كفك يمكن أفهم
يمكن أقدر أطلع للنور
عصفور من يومي ومسجون
ولا مرّة اتحنيت بحقيقة المحظور
من يومي …
وباطيّر في حمامة من قلبي إليكي
ترجع مكسورة
فكّي القفص السجن
فكّيني
وبعيد ارميني
على طرف حقيقتك من تاني
” شط اسكندرية
يا شط الهوا
رحنا اسكندرية
رمانا الهوا ”
والدوا ..
مرّ ومرير
وانا قلبي مجروح من خيانتك
من يوم ما عشقتك ..
بل من أول يوم فيها انا شوفتك
…إبعدي كفك عن كفي
كل احتمالات الرؤية سراب
راح تكدب شفايفنا
وغريب الليل مش حيلااقي الباب

إهرب ..
إبعد ,,
طير
واوعى يخونك أي مصير
علّم نفسك تبدأ
من غير أي هزيمة
يا قلبي ولا تتعب نفسك بالذكرى
واعرف إن الفجر..
عمره ما أخطأ وش الانسان الصادق

كدبت ضفايرك من أول لؤا كان بينا
خدعتني الطفلة واتاريها شيطان
وآه …
ألف آه يا قلبي من ضيق المكان
بيزمّ على ضلوعك
ولا متحمّل زيك إنسان

إتبعتر ..
إتنتوّر ..
واتعفّر بتراب الشارع والحاره
ما هو ذنبك إنك صدقت كلامها
وانك حبّيت القلب الخوّان
*******************

 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك