الجمعة - الموافق 29 مارس 2024م

.. ولا شوفتش غير التمثيل…الشاعر / عادل عبد الرازق

أنا م الأول كنت حاسس


إنك بادية معايا تخوني
لون تقاطيعك كان مش هوّه
نفس اللون اللي ف عيوني
ضلّيت طرقات النور جوّكي
ولا أبعادك كانت لوني
عشت معاكي أحاول اغيّر
أو أتصوّر ..
لكنك كنتي بدون تفاصيل

كل ضفايرك أنا لمّتها
واتهجيتك حرف بحرف
خادني الشوق وحلمت بحبك
واتمنيت المس ولو طرف
حطمني غرورك وهزمني
وجرحني طريقك وكسرني
وعلى شط النيل ووقفت أدوّر ..
واتاريني باطفّي القناديل

مش ندمان على إنك خاينة
ولا علشان صدّقت لكدبك
أنا ندمان على إني عشقت
على إني صدقت كلام قلبك
إيديكي بدمّي متحنيّة
ودمعي بيجري في عينيّا
وانا لا بيّا ولا عليّا
غير فجأة لقيتني دموع ورحيل

دمار عشقك ودمّرني
وشبكّني في طرف الليل
وغيّم روحي وكسرني
في ركن طريقي بدون تفاصيل
لا انا إنسان ولا عايش
لا انا في سطور ولا هامش
ولا أحلام ولا حقايق
ولا شوفتش غير التمثيل
***

 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك