الخميس - الموافق 28 مارس 2024م

إحتمــــــالات بقلم – عادل عبد الرازق

باب الفراق نادهني
وانا بعترتني الدموع آهات
خايف أقولّك
حاسس وداع
تظني إني رايد الوداع
زي الجريح تحت المطر
أنا بدأت أنجرح
إسقيني من روحك
جرّبيني ..
جايز أكون أوفى حبيب
واربتي بابك ف وشي
نقشت أنا على جلدي باب
لا قدرت أدخل لقلبك
ولا عرفت أخرج م السراب
وانا كنت عاشق للسفر
جوّه موانيكي كتير كتير
بيبان بيبان كانت بيبان
صبحت حيطان كل البيبان
الملح في جراحي بينغز
وانا برضه مش عارف السبب
بروزيني في الغيامة للي فايت
يمكن أكون تذكار زمن
خطّيني وعدّي على صدري
مانا باعني قلبك وبدون تمن
ما شقتش بحر الغيامة عصايتي
ولا حصاني عدّاني البحور
يمكن كسير ..
جايز جريح ..
أو منهزم
***

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك