الجمعة - الموافق 22 يناير 2021م

مين السبب في الإهمال .. بقلم مصطفى سبتة

كنت بشـاور قلبي وحســـي
أتكلم مـــره يوم عن نَفسـي
فجأه لقيت النبض بيصرخ
قـــال لأ هتكلم ع الإهمـــال
سيبك انت اليوم من نفسك
لو جواك شئ نفســه يمسك
يامـــاتكلمت ويامــــا بكيـت
دمع العين ع الخد اهو سال
بس كفـايه كان حبــر قلمنــا
بكتب بيـــها عـــن كل ألمنــا
سطـر أعبر بيه عن حـــالــي
لما أكــون مــــرتاح البـــــال
أما الإهمــال بقــى موضوع
وبسببه فيـــه كام موجــوع
اللــي يأهمل بيتــه وسـايبه
سافــر قــال علشــان الحال
راح في الغيبه وقال عدولي
ما بيسأل ولا قال تعالـــولي
أب إزاى وعاملــي مســافــر
وعـايشـها مقضيها سلســال
اللي سايبلي الدنيــا وماشي
وبيعرف أولاده ع المـــاشي
ولا عــارف من صلــى وأدى
ولا كان عمره ســـأله سـؤال
الإهمـال دا جريمه في حقك
قبـل ما كـان ليك حـق علينا
من كان ديما بقى فيها دفئك
يا ناسينـا في كل الأحـــوال
إبنك بنتك حتــى مـــــراتك
دول روحـــك ديماً وحياتك
يعنــــي تفكـــــر إنك عايش
وتعيش فيـــها كما التمثــال
لأ يا عمي فوقـي واصحالي
واهتـم وما تقولش انا مالى
كل واحـــد بقى فيها مسؤل
إســــأل قـــــول إزاى الحال
إكتب واحكـي إزاى حبتـــها
لمـــا اهتمت بيـــك وبيتـــها
ولّا هتنكر فى سنين عمـــرك
إنـــها عـــانت م الإهمــــــال
إنتي يا قلبي ياشايله همومي
إوعي ولادي يتوهوا ف الدنيا
وبلاش تزعلـــي ولا تلومـــي
عمري مهنساك فيها ولا ثانيه
بتمنى أجيلكم فــي الحـــال
بس الصبــــر عليـــا شـــويه
بفدي بروحي كمان وعنيـــه
وبنتغرب فيــها علشــانكــم
مش إهمال مني ولا جــدال
ليه نسيت لما تكون مخنوق
بتكــون روحـك لمــا تــروق
لأ بتداوي بروحـــها معــــاك
بتقول عمـــري معاك هشتال
وانت يا ناسي حبيبتك قلي
ليـــه إهمـــالك فيـــها تملـي
ولا تكــون نـاوي تبعد عنـها
لما لقيت قلبــها ليـــك مــال
لا يا حبيـبي دا اسمــه حرام
ليــه تعيِّشها سنيــن أوهــام
ليــه بتقــولها إنــى بحبـــك
ياما قلت لها كلام متقــــــال
إلا بنــات الناس وقلـــوبـــها
تيجي في وقت الجد تسبها
لـو ليك أخت هترضى عليها
بكـــره الديــن يتــرد يا خال

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك