السبت - الموافق 12 يونيو 2021م

قهوة العمر بقلم : عمرو أبوالعطا

قهوة العمر
ناس وكراسي
بالترتيب
في الاول … الباشا
وفي الاخر… اللي علي الحاشة
ضمنة … ورهان علي العمر
الايام… والشهور … والسنين
كسبان … وخسران
معاك علي الحلو والمر
بانجو وحشيش
وخلي بالك لياجي الشويش
الكرسي … يحكي حكاية صاحبه
من بدايته …. لنهايته
وشوش تداوي
ووشوش تحير
شيشة… وفحم درجة اولي
انفخ …..وطلع غلب السنين
دخانة … تايهة في الجو
تحكي هم الحزين
لله يامحسنين
شحات بيمد ايده للقاعدين
والكل … للدعوه منه مقسومين
ناس رايحة… وناس جايه
وسيرة الناس… في حكاوي سامعين
ومن شكلك …. تبان حكايتك
المبسوط….. مبسوط
والحزين … حزين
وتطول القاعدة … وتمر السنين

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك