الجمعة - الموافق 24 سبتمبر 2021م

قصيدة : رجًعي كل الزمان .. شعر : عادل عبد الرازق

رجعي كل الزمان
رجعي كل اللي كان
أنا مهما قفلتيلي البيبان


يكفيني إني مانيش خوًان
ناديت عليكي ما ردتيش
دقيت بيبانك ما فتحتليش
واتغيًرت فينا الحاجات
واتكسرت في الذكريات
والغربة خادتنا منافي
مسجونين خلف الحيطان
رجعي كل الزمان
رجعي كل اللي كان
أنا مهما قفلتيلي البيبان
يكفيني إني مانيش خوًان
صعب أعشق وتخونيني
صعب اشتريكي وتبيعيني
وفي أول خطاوينا يندهنا الرجوع
للعذاب للسراب للدموع
للآهات المرًة بين الضلوع
للعمر اللي شاب قبل الآوان
رجعي كل الزمان
رجعي كل اللي كان
أنا مهما قفلتيلي البيبان
يكفيني إني مانيش خوًان
رجعي كل اللي كان وحتشوفيني
ملامحي باهتة .. حتعرفيني
أنا اللي انكسرت بين إيديكي
أنا اللي كنت عاشق لون عينيكي
وانا اللي بعت أيامي وسنيني
عشان بس أقدر أشتريكي
ولما صارحتك …
قولتيلي ما فيش مكان
رجعي كل الزمان
رجعي كل اللي كان
أنا مهما قفلتيلي البيبان
يكفيني إني مانيش خوًان
*******************

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك