الإثنين - الموافق 29 نوفمبر 2021م

قصة نجاح وكفاح مستمرة… بقلم :- دكتور فريد مسلم

*- دي قصة نجاح شبشب الحمام .
*- أكيد حضرتك عرفه جيدا .
*- أكيد كل الناس عارفين أنه شبشب الحمام كويس جدا.
*- وهو عارف نفسه جيدا إنه شبشب حمام .
*- ولكن سيادته غير راضي عن كده بالمرة
ولكن هو صاحب طموحات عالية وكبيرة
وصاحب طاقات إيجابية وكان أقصي
طموحه إنه تنزل بيه عند عمي أحمد
البقال…ولا عمي بدوي الفران أو آخر
الشارع اروح بيه لمسجد الشرافدة
اللي جنب المنزل .
*- المهم ان الشبشب ده صبر وتعب
وكافح واشتغل على نفسه وطورها
قوي لحد لما بقي إسمه « كروكس ».
نعم كروكس بك من فضلك حضرتك .
*- مش بس كده وخلاص لا وألف لا ده
طور نفسه علي الآخر بدل الحمام فقط
بقي بيروح أماكن أخرى كثيرة زي
الدروس وطمع في أكثر من كده كمان
وبقي يروح الكليات والجامعة كمان
الشغل كمان وكمان ده صاحب إرادة
قوية وعزيمة جبارة وثقة بالنفس
عالية جدا واشتغل على نفسه أكثر
حتي أصبح الشبشب الرسمي لكل
الدكاترة في كل المستشفيات .
*- والدنيا كده شخلعت معاه علي الآخر
وذهب إلى المصايف والمشتاتي وراح
شرم الشيخ والبحر الأحمر والساحل
الشمالي والاقصر وأسوان كمان.
وبيروح مول العرب وسيتي ستارز
وكل الأماكن الفخمة والمهمة بمصر.
*- ولكن شبشب الحمام اشتغل على
نفسه أكثر وأكثر وسافر بره مصر
ليه بيقول لكم كل الكلام ده ياأحبابي
*- علشان كل واحد يشتغل علي نفسه
كويس ويطور نفسه بالتدريب المستمر
ولازم ينجح ويكون له قصة كفاح ونجاح
عندما تحس الهزيمة أو الانكسار أو اليأس
تفتكر قصة كفاح البطل العظيم شبشب
الحمام الكروكس
ولابد من الطاقات الإيجابية
وصدقني ساعتها هتوصل العمل
وصدقني ساعتها هتوصل الكفاح والاجتهاد
هنا أكيد سوف تنجح وتكون
بطل مثل بطل اليوم ماهو ليس
من المعقول يعني شبشب الحمام
ينجح ويوصل النجاح يوم بعد يوم
وحضرتك تكون فاشل يعني تقول
لنفسك ساعتها لابد من تحقيق ذاتك أنت.
*- لابد أن تنجح من أجل نفسك ومن أجل
من كافحوا معك وتمنوا لك النجاح .
*- لابد أن تنجح من أجل كل من آمنوا
بمواهبتك وقدراتك وشجعوك علي النجاح .
*- تنجح كي تخذل كل الشامتين والحاقدين لك.
*- تنجح لأن لك إرادة قوية وعزيمة صادقة
وثقتك بربك كبيرة وإيمانك شديد لهذا
لابد من النجاح فقط .
لذا .
هيا نغير العالم كله معا للأفضل دائما .
عليكم وعلينا بطاعة الله ورسوله ،
وحسن معاملة الآخرين دون النظر
إلى لغاتهم أو الوانهم أو اجناسهم
أو اديانهم لأنهم بني
الإنسان مثلك تماما.

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك