الجمعة - الموافق 28 يناير 2022م

في بحور الغربة … بقلم / عادل عبد الرازق

بانزل بحورك يا غربة
بتاخدني الدوّامات
أشوف وشوش البشر
اللي بيغرق واللي مات
أرفع شراعي لفوق
وامدّ حلمي بشوق
واحلم لحظة شروق
حتى ليوم أو ساعات
بانزل بحورك يا غربة
بتاخدني الدوّامات

صعبة الخطاوي ي بحري
ولاعادش يقبلني صبري
ولا عادش يستنى عمري
والحلم نايم في السكات
بانزل بحورك يا غربة
بتاخدني الدوّامات

يا غربلة يا طعم الدموع
في الحلق وفي قلب الضلوع
الوصول شكل الرجوع
وفجر بكره ذكريات
بانزل بحورك يا غربة
بتاخدني الدوّامات

الموج بيعصر جراحي
والليل بيخنق صباحي
ولا سدّ يمنع رياحي
ولا قادر انسى اللي فات
بانزل بحورك يا غربة
بتاخدني الدوّامات
طول عمرنا يا قلبي
أنا وانت في الدوّامات
***

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك