الإثنين - الموافق 19 نوفمبر 2018م

عيونك كانت شمسي بقلم / عادل عمران

عيونك كانت شمسي
ما بتغيّمش
بحر ملامحه موج وشاطىء
وانا جوّه صدرك بانطلق

آه م الغرق
لمّا افترق
بينا الطريق
آه واتشنق
لون الكلام البرىء
هاجرت نوارس
ودمع الفارس
في حلقه مات واتخنق

آه م الغرق

عيونك كانت شمسي
ما بتغيّمش
بحر ملامحه موج وشاطىء
وانا جوّه صدرك بانطلق

أنا كنت شايفك
طريق ما بينتهيش
عشقتك وحبيتك
واتاري أمري ما يهمّكيش

يبقى ليه غلطان انا
لمّا اقول الدنيا .. ما تساويش
***

التعليقات