الإثنين - الموافق 19 نوفمبر 2018م

دوّامة بقلم – عادل عبد الرازق

دوّااااامة …..
وتجيني وانا بعدك باغرق
في بحور من غير ولا شطآن
الاقيني ف صورتك باحرق
وفي ملامك زمني الخوّان
الكدب قصادي متوّهني
في مداين شوارعها بتخنقني
دوّااااامة …..
وتجيني وغدرك جوّايا
وخيانتك قدّامي وورايا
واسبح في الموج اللي يغرّق
وأموت وتموت كل حكاية
مش عايزك يوم تفتكريني
ولا مرّه عيونك تبكيني
دوّااااامة …..
دوامة مدنك بتاخدني
وبالاقي نفسي غرقان
والموج بياخدني ويجبني
ولا مرّه أشوف الشطآن
وعينيكي بتضحك وانا باغرق
وإيديكي تقرّب وتغرّق
دوّااااامة …..
يا خسارة كل ما كان
يا دروب من غير ولا عنوان
ياضماير قتلتها الدنيا
يا مداين سكنتها الغربان
يا سمايا يادوّر عالحكمة
ويا أرضي مفروشة بالأزمة
كل اللي قابلته في دروبي
يا قلبي فدر بين وخان
دوّااااامة …..
***

التعليقات