الإثنين - الموافق 06 فبراير 2023م

خواطر بعنوان : ( حاجة غلط )

شئ يوماتى كان فى بالى
طبعت صورته فى عقلى وكيانى
سنين طويلة شايفه أمامى
ولحظة واحدة سراب وخالى
راى واحد أصبح مثالى
وأى راى غيره فانى
والحقيقة صبرو أمانى
والحسد والحقد سارى
والخير اساسه عالى
والتوافق غاية وأمالى
والشر صامد وباغى
والتآمر بقى أمر واهى
مستحيل عايزنى صامت أوأنانى
من حقى أعبر ويكون لى راى
وطنى مخلص دايما فى حالى
انصحنى فهمنى قوينى علمنى
ده اختلاف الراى فطرى
وطبع غالى مش كمالى
والخيانة تهمة فى ثوانى
سيف بيتوجه لكل جانى
حتى سامى رمز التفانى
صار يهاود فكروجمالى
ابداع طموح انسى وسلامى
رياح قوية ورموز تهانى
وذكرى حلوة وهم وتسالى
جرىايه يادنيا مالك ومالى
فين الحوار قولى يا خالى
واجبى أناقش وأصرخ لحالى
راتبى زهيد وحقى الآلى
بكل صوت وبدون ماحابى
فى كل حارة وشارع ونادى
جيب المعلم فاضى وخاوى
حتى المكافاة واقع خيالى
معيشة صعبة وحاجات تنادى
مسئول ايجابى وكلام مثالى
نصبر وربك يحقق مآلى
خالص دعائى لربى وندائى
يصون مصر بشعبى وجيشى
ويحفظ ترابها من كل غازى
وبالنصر ارفع راسها وراسى
وثبات شبابها مجدى ورجائى
نسيج ووحدة ورباط تآخى

بقلم محمد عباس معلم الاسماعيلية

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك