الأربعاء - الموافق 20 نوفمبر 2019م

حيّ .. وبيوت .. وشارع بقلم :- عادل عبد الرازق

حي …

وبيوت ..

وشارع

وشجرة دبلانة على الطريق

وريح بتجرح اللي ضايع

وبحر بينادي الغري

وانتي وانا وإيدينا

وأخر وداع بينادينا

والشفايف الحزينة

والمدينة ..

بدأت تضيق

حي ..

وبيوت ..

وشارع

وشجرة دبلانة على الطريق

بتهرب دمعتنا جوّانا

وغرقانة حروفنا وداع

واكتسى بليلنا مدانا

والحرف تاه منا وضاع

ابتدا الريح ينده مطر

وابتدى شىء فينا ينكسر

وانتي وانا تحت القدر

صديق بيفارق صديق

حي ..

وبيوت ..

وشارع

وشجرة دبلانة على الطريق

فاضل دقيقة ونفترق

دقيقة وانا وانتي نصبح ذكريات

من شواطينا حياخدنا الغرق

ويصاحبنا الموج والدوّامات

دقيقة واحدة وننتهي

ولا لحقنا حتى نشتهي

الحلم اللي غاب لحظة ميلاده

قدام عينينا في السحاب الغميق

حي ..

وبيوت ..

وشارع

وشجرة دبلانة على الطريق

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك