الأربعاء - الموافق 20 نوفمبر 2019م

بعد البيوت … بقلم :- عادل عبد الرازق

 

بعد البيوت …

حتلاقي السكوت ..

حاضن مدينتي

بدايتي ..

حكايتي ..

نهايتي

والصورة الوحيدة إنتي

إنتي الوحيدة ..

إنتي حبيبتي

بعد البيوت …

حتلاقي السكوت ..

حاضن مدينتي

ضلمة الشوارع

ضلمة المفارق والحارات

وقمرنا أصبح فتات

في الذكريات

واللحظة اللي بعتيني فيها وخونتيني

غنتهينا وانتهى ..

كل اللي كان بيني وبينك

دبلت سنيني في اللي ضاع من سنينك

وبالّف وباكت إسمك عالأبواب ..

ولا باسأل نفسي ليه أو فينك

ماهى أحلامنا كانت ورق

وانتي اللي بحروف الوداع بدأتي

أما الشوارع دي ملكي

مهما يغيب عنها القمر

هىّ الوحيدة اللي عارفاني

مهما يموت مني وينكسر

رمتيني آه للسفر ولامواني

لكني ماحبتش غيرك انتي

بس إيه فايدة اني أحلمك

وانتي مع غيري بتحلميله

ذنب قلبي إنه عشقك

وان هواكي مستحيله

ماعرفش ليه إحنا ابدتدينا

وماعرفش ليه إحنا انتهينا

وإيه اللي خلاّكي أصلاً

جوّه قلبي سكنتي

بعد البيوت …

حتلاقي صورتي

إمسحيها

إشطبيها

إلعنيها

وخونيها زي ما خونتي حكايتي

***

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك