الإثنين - الموافق 23 يوليو 2018م

بالفيديو .. قصيدة ( حضن أمى ) ….للشاعر / عزت المتبولى ..

من حنان قلبك ياأمى ……وحضنك المليان دفا……أبتدت ضحكة ملامحى
والنهار طرحة أبتدا ….ومابين وجودى ….وضحكتك …..خضرت فيا الحياة
ياغنوة حب واخدانى ……بين الايام سند وونيس
دى صورتك….. يامة قدامى …..بتفرد خطوتى فدادين
بتروى فى روحى …..من غير شرط
وبتشكل فى تكوينى ……معانى الحب ……سنة وفرض
زمان فاكرك ……وانا صغير ……وانا بحبى وفى اللفة
وانا لسة …..بخطى واشب ……. ويمشى شوية …… واتكفى
فاكرلك ….لهفتك وانتى …بتجرى عليا……وتسمى ….وبتقولى… ياروحى
ياعقلى….. ياضنايا …..رقيتك من عيون الناس ……. وربى يحفظك م العين
ساعتها كنت بلقاكى …..بتاخدينى …..وبتضمى
وتحكيلى …..غنا وحواديت …..وتبنيلى ……م الامل كام بيت 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك