الخميس - الموافق 06 أكتوبر 2022م

«الواحد عامل زي خروف داخل يتدبح».. الإعلامية بسمة وهبة تعلن إصابتها بمرض نادر

محمد زكى

أعلنت الإعلامية بسمة وهبة إصابتها بمرض نادر، واصفة نفسها بأنها أصبحت مثل ”الخروف الذي ينتظر الذبح“.

وظهرت بسمة وهبة في مقطع فيديو نشرته عبر صفحتها الشخصية بموقع “انستجرام” وهي على السرير داخل المستشفى وترتدي ملابس العمليات.

وقالت الإعلامية في الفيديو: ”الواحد عامل زي الخروف.. معزة.. خروف داخل يتدبح.. يا رب يا كريم.. يا رب يا وفاء يرحمك (صديقتها التي ماتت مؤخرا)“.

وكتبت بسمة وهبة تعليقاً على الفيديو رداً على سيدة عاتبتها لأنها لم ترد على اتصالاتها، حيث قالت: ”واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم لما أقدر حكلمك، راحت ردت عليه قالت لي آه مانتي مشغولة صحيح كل يوم في بلد وبتتفسحي فعاوزه أقولها هي واللي زيها إن أي صورة على السوشيال ميديا حلوة وراها أوقات وحشة، وأي صورة فيها سعادة وراها أوقات تعاسة وألم، صحيح ممكن أكون مسافرة بس بعمل عملية ممكن أكون مسافرة وفي عملية وفي البنج وحزينة لأن صاحبتي ماتت قبلها بيومين“.

وأضافت الإعلامية متحدثة عن صديقتها الراحلة: ”حتى وأنا في البنج وتعبانة حزينة عليها وبدعيلها، وممكن أكون مسافرة أتعالج مش اتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو مايضايقكيش يعني، أحب أقولك أنت واللي زيك ربنا ما يحكم عليكي يا بنتي باللي في الواحد، وأحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا أنا صاحبتي وفاء ماتت من الحسد“.

 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك