الأربعاء - الموافق 15 أغسطس 2018م

الملامح والطريق بقلم – عادل عبد الرازق

يتمدد الطريق …
واشوف ملامحك عالطريق
ضايعة وتايهة بلا تصريح
بتفّر حواليها الريح
وضلمة ومن غير قناديل
والحزن ياعيني تباريح
يتمدد الطريق …
واشوف ملامحك عالطريق
يا ملامح ليه اتغيّرتي
وقوليلي إيه الأسباب
يامرمح إنتي مش إنتي
ولاّ انا ماشي جوّه سراب
الرمش السارح بأه خنجر
والفارس المهزوم كان خيّال
والنن الأسمر كان مرمر
دلوقتي بأه لون الصلصال
يتمدد الطريق …
واشوف ملامحك عالطريق
يا حبيبتي إيه غيّر شكلك
حتى خيالك حتى ضلّك
ليه ضايعة وتايهة بلا تصريح
بتصفّر حواليكي الريح
ودروبك من غير ولا قنديل
ودموعك عالطرقات تباريح
***

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك