السبت - الموافق 07 ديسمبر 2019م

الدنيا وخدانى على فين …بقلم:- مصطفى عبدالحميد

الدنيا عايزة ايه يا ترى
وايه اللى حصل وجرى
كل ما امشى لقدام خطوة
ترجعينى يا دنيا مية لورا
باقولك ايه وحياة سيدك
صلى على نبينا شفيعك
واهدى شوية كفاية اسية
تعبت يا دنيا من الاعيبك
بتبيعى فيه وتشترى
وتدوسى عليه وتكسرى
لامتى يا دنيا هتفضلى
عليه تقسى وتفترى
واقفة ليه دايما ضدى
تقفلى الببان وتصدى
واسالك يا دنيا ليه كده
وابدا مش عايزة تردى
يا ترى ايه ف جرابك
مستنى يا دنيا جوابك
هى الايام الجاية احلى
ولا هتفضلى على حالك
انا حيلى يا دنيا اتهد
والرزق يا دوب ع الاد
دورت ف كل مكان
ملقتش صاحب وبجد

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك