السبت - الموافق 08 مايو 2021م

الحلم كدّاب بقلم – عادل عمران

رغم اللي فات
وان احنا أصبحنا ذكريات 
وقمرنا اللي هاجر بلادنا
ولون الشمس اللي مات
رغم اللي فات
بارسم صورتك
بارسم صورتك
على بيباني وعلى حيطاني
على شبّاكي على جدراني
مدى مدني وأوطاني
وأخدها في أحضاني
أنا وحدي تغنيّلي وتحكيلي
وترسملي في دروبي قناديلي
وقمر لحظة ميلاد
ومداين وبيوت
وغناوي وسكوت
وحكاوي وصوت
وشجراية وضلاّية وميعاد
أجري أقابلك بكل شوقي
يدّق الياب ..
أفتح ..
ألاقي الحلم كدّاب
***

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك