السبت - الموافق 23 يناير 2021م

الاعلامية فريهان طايع تكتب : كل الكلمات و السطور ما عم اترجم كل شئ

في لحظة بتكون كل أفكارك مشتتة معاد تلاقي شئ يخفف وجعك بتسأل حالك لوين بدي روح لمكان كتير بعيد بس ما بتعرف لوين كل المطارح ضيقة و الجو مغيم مغيم كتير بتشرد لحالك بالساعات ما بتعرف تجاوب على كل أسئلتك ،كل اللحظات تجمدت في ساعة زمنية في تانية تغير كل شئ، أحيانا الحيرة بتسجنك في سجن كتير ضيق و كل المطارح معاد توسعك جواتك أشياء كتير مدفونة ،جواتك متل البحر بس عم تكابر ،عم تخبي ،عم تهرب من التفكير و بيضل نفس السؤال لوين ؟لوين ؟لوين ؟ بس ما بتعرف لوين يمكن عم تحلم تسبق كل شئ اللحظات،التفاصيل ،الأشخاص ،الحواجز يمكن عم تحلم تركض من غير ما تعجز لحظة يمكن عم تحلم تكون مبسوط بس السعادة مانها بأيدينا ،بنساوي كل شئ مشان نكون سعداء بس كل الأوضاع ما عم تكون كويسة و ما عم تكون تحت السيطرة النجاح ما بيخلق السعادة ،الحياة الروتينية بتقتل كل شئ حلو جواة احساسينا يمكن عم تحلم تركض في المطر لحالك مشان تقتل الخوف يلي جواتك يمكن عم تحلم تطير بأجنحة بس أجنحتك مكسورة يمكن عم تحلم ترجع طفل صغير عم يعيش طفولة بدون ما يفهم شئ عن الحياة يا الله اداش هاد العالم كتير كبير لكن في لحظات معاد يوسعنا يا الله اداش الحياة عم تركض ،و الوجع يلي جواتنا عم يكبر كل يوم و احنا عم نكابر ليش عم نكابر ؟ الحياة كتير قصيرة معاد فهمنا منها شئ أحيانا بتكون كتير معقدة كل السطور و الكلمات ما بتقدر اترجم كل شئ صراعنا مع الحياة عم يزداد كل يوم و الشمس معاد عم تشرق صار محلها غيوم كل يوم عم نسبق الأحداث و الزمن و المحطات بس بتيجي لحظة كل عقارب الساعة بتتجمد و معاد بدنا نسبق المحطات بنضل في محطة ،في قطار واحد ،الرحلة راح اطول لكن معاد عم نهتم ،يمكن تجمدنا ،ماتت كل الأحاسيس يلي جواتنا بدنا بس في هاي اللحظة نرجع للحظات يلي فاتت ،يلي ما كنا منتبهين إلها يمكن بدنا نوصل لكل شئ بدنا ياه لكن شعور العجز عم يدمر كل الثقة يلي عم نزرعها هاد الشعور عم يحبطنا ،عم يسرق اللحظات الحلوة عم يسرق كل أيامنا ،يمكن كل شئ موجود لكن ما عم نشوف ،معقول صايرين ما عم نشوف معقول العماء ما عم يتركنا نشوف الحقيقة امتى بدها تتركنا الحيرة ؟ امتى بدنا نحب كل شئ ؟امتى بدنا نترك كل الوجع و الجروح و ننساها و نضمدها لكن من شو هاي الجروح ؟ من الحياة ؟من الأشخاص ؟من الماضي ؟من الحاضر؟ مين سببها ؟امتى راح نفهم و نحدد كل شئ ؟ كل يوم عم تنطوي صفحة كتير مهمة في حياتنا و لحد هلا ما فهمنا الكتاب انكتبت فيه كل الصفحات ،كل شئ مكتوب فيه و احنا لهلا ما فهمنا عم نضيع في العالم ،الدروب كلها مشتتة ،و الحبر جف من الكتابة و لحد هلا ما فهمنا ؟ امتى راح نرحم حالنا بعد؟ إمتى راح نبطل ننزف ؟ امتى راح نزرع محل شوك ورد؟ امتى راح نضمد كل جروحنا و ما نكون متل أوراق الخريف احنا بحاجة الربيع خلاص راح يجي الربيع و يزهر كل هالورود هيك بدنا خلاص هيك بدنا

التعليقات