الجمعة - الموافق 29 مارس 2024م

عايزين نقابل بعض بحب وموده وقلوب صافيه للشاعرة :- هانم داود

عايزين نقابل بعض بحب وموده وقلوب صافيه
الدنيا فارغه ومفضوضين منها.
.ليه نتقابل وكل واحد شايل فى قلبه ياما للتانى
غيظ ومضايقات وقلق ….نقابل بعض بقلوب شبابيه طفوليه رايقه
لكن تصدر لى وش خشب..أو تتكلم بوجهه صافى وقلب افعوان.
والله الدنيا ماتستاهل نكره بعض ..كله فايتها ومعدى منها
نفوتها بسلام وخير..أحسن ما ناخد ذنوب تكدرنا
دنيا احنا فيها زاى لمبه الكهربا منوره الدنيا
وفجأه يد الله تضغط المفتاح منور المصباح فتفصل الكهربا
أهو نزع الروح من الجسد من حى الى ميت
ذنبى ايه تتحدانى كده …وأنا كل قلبى لك موده
زعلان ليه كده ……عملت ايه لكده
وعمرى ما أسأت لك ولا عاملتك بشده
احنا ما بنختار أصولنا ولا بنختار ظروفنا
.ولا بنختار… طبقتنا الاجتماعيه ولا بنختار ملامحنا
ولا بنختار أحوالنا وحاجات كتير بحياتنا
علشان أنا من ناس بتهيبها ……وتبعد عنى لأنى منها
المجد هو اللى أصنعه بنفسى …. وحب الناس لى أساس حياتى
اللى أتأخذ عليه كلامى…..واختيارى لأصحابى وعملى وكلامى
لما تحاسبنى حاسبنى على أفعالى وكلامى….
لما تحاسبنى حاسبنى على أخلاقى
كله بيتساوى عند ربنا لا بشكلنا ولا لونا ولا طبقاتنا الاجتماعيه
المهم عملنا ونحب لبعضنا زاى ما بنحب لنفسنا
لكن كده زعلان منى …..ودايما بتبعد عنى
ما تحملنى أوزار غيرى …….ولا تأنبنى ليلى ونهارى

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك