الجمعة - الموافق 29 مارس 2024م

آخرها سطر … شعر / عادل عبد الرازق

لمّا اتخنق …
صوتك في صدرك واتشنق
كان عالملأ .. صوتك صراخ


حدّوتة ولاّ معجزة
أو غصن سيّل لباب
لما الشجر أصبح حفيف وبيندهك
أصله اتخنق ..
فرد الحمام على شالك الأبيض الورق
وساعتها كانت دمعتك

كانت ملامحك ..
أدّ المدا وسيعة
كنتي انتي نفسك
مش حد غيرك غيّرك
إتبدّلت كل الملامح
إتفيّرت كل المطارح
وبقيت الدمعة عالطريق
وكل المسامات اتفتّحت
في الجلد تستقبل رياح

ما ترفرفيش وانتي كسيرة
ما تشدنيش نحو المطر
إنتي وانا كنا حكاية
آخرها سطر وانكسر
***

 

التعليقات

مساحة إعلانية

مساحة إعلانية

انت لاتستخدم دايناميك سايدبار

الفراعنة على فيسبوك